Posted by
Muzzammil Shah
|
Posted in
One of my most favourites
|
Posted on
10:21 AM
Sukhi mitti me dafan hain kuch yaadein,
Kaun sunega, kis Se kare fariyaadein...
Banjar hai zameen yahan ki,
Aur pyasa hai khud dariya bhi..
Ab toh baadalon ko bhi taras humpe aata nahi,
Jab Khuda hi ho naaraaz toh kisse karein dua-o-muraadein..
Begani is duniya mein,
Kisko dikhayein daag-e-jigar..
Tootke bikar chuke saare sapne,
Aur kamzor padgaye hain saare iraade...
Kabristaan ki is kadakti reth par,
Ab hum kahan manzil dhoondte phirenge..
Baithe hain khud apni khabr khode hue hum,
Ab toh maut bhi nahi sunti hamari fariyaadein...
-Muzz...
Posted by
Muzzammil Shah
|
Posted in
|
Posted on
10:01 AM
Guzre hain ishq me hum aaj is maqaam se..
Ke nafrat si hogayi hai mohobbat ke naam se..
Ghabraane lage hain ulfat se hum..
Sawaara hai unho ne hame aise inaam se...
Na woh aate hain na maut hi aati hai..
Bhala dil ko kaise samjhayein ke sanam dil nahi lagayenge mujh naakaam se..
Waise toh ishq karne waalon ko apni manzil mil hi jaati hai..
par najane kyun Khudha ko berukhi hai hamare anjaam se...
Badnaseeb zindagi, tanha dil, toote hue sapne..bas yahi hain hamare paas..
Aansun hain ke roke nahi rukte, saans hai ke chale nahi chalti..
Jeene ka shauk toh kabka chodchuke ham...
Ragon me behraha hai khoon toh sirf Unke naam se...
Na duaon me asar baaki hai, Na ibaadat me dil lagta hai...
Ab toh dar lagne laga hai hamare anjaam se..
Maut bhi ab inkaar karti hai lejaane se hame..
Lagta hai yunhi kahin marjaayenge ham benaam se...
-Muzz
Posted by
Muzzammil Shah
|
Posted in
|
Posted on
9:56 AM
Zindagi se jhutlaye hue hain..
Haalaat se haraaye hue hain...
Gairon ki berukhi toh phir bhi sehlete...
Hum to apnon se thukraaye hue hain...
Akele hi rehgaye hum...
Hasrat rehgayi dilme humsafar paane ki..
Ab toh apnon se bhi hum bhulaye hue hain...
Apnon ka saath ab sapna sa lagta hai..
Daaman hamara Tanhayi ne thaama hai..
Gale lagaya gam ne hame...
Aur khushiyon se hum paraaye hue hain...
Apni apni masroofiyaat me..
Uljhe rahe dost-o-ehbaab...
Yaad karne ki fursat kahan kisi ko..
Saare jag se hum bhulaaye hue hain...
Uub gaya hai dil is veerane se..
Acchi nahi lagti ab ye duniya hame...
Kosishen saari nakaam rahi marne ki..
Zindagi toh kya hum maut se bhi thukraye hue hain...
-Muzz...
Posted by
Muzzammil Shah
|
Posted in
|
Posted on
9:53 AM
Hasna tho sabi jaante hain,
Hamari tarah koi jee bhar ke ro de tho jaanen..
Paane ki khwaahish toh sabhi rakhte hain,
Hamari tarah dono haathon se sab kuch kho de toh jaanen...
Himmat tho sabhi rakhte hai gam ko jhelne ki,
Hamari tarah aason peeke muskurade toh jaanen...
Rab ne bhi lauta diya jis dua ko,
Us khwahish ko maarke dafnaade toh jaanen...
Maut ne bhi thukradiya jis zindagi ko,
Hamari tarah usko haske apnade toh jaanen...
-Muzz
Posted by
Muzzammil Shah
|
Posted in
|
Posted on
9:40 AM
Bejaan se hum jiye jaarahe hain,
Khoon ke aansu piye jaarahe hain...
Chalne ko toh charahi hain saansein badan me lekin,
Maut ke intezaar me hum jiye jaarahe hain...
Chahat ka aanchal odhe Zindagi ko saji hui dekh rahe the hum,
Khushiyon ke beech use chehekte hue dekh rahe the hum...
Aankh khuli toh yeh ehsaas hua humko,
Ke khwaab kaanton se siye jaarahe hain...
Zindagi ko toh paaliya par jee na sake hum,
Manzil ki aarzoo me Jeena bhoolgaye hum...
Maut ke saath wafa nibhate nibhate,
Hum Zindagi ko dhoka diye jaarahe hain...
-Muzz
Posted by
Muzzammil Shah
|
Posted in
|
Posted on
9:37 AM
Talaash kya karna manzil ko,
Waqt har manzil dikha deta hai.
Marta nahi koi kisise juda hoke,
Waqt sabko jeena sikha deta hai..
Maana ki hum pathar dil hain sanam ki nigahon mein,
Lekin ye dil pathar banaa hai unki berukhi ke angaaron mein..
Itna roye hain ki aansu bhi nahi nikalte ab aankhon se,
Waqt in aansuon ko peena sikha deta hai..
Hum nahi kehte ke aasaan hoti zindagi har mod par,
Kaante chipe hote hain phoolon ki dor par..
Takleef sabko hoti hai duniya mein magar,
Waqt takleefon ke saath jeena sikha deta hai..
Haqeeqat yeh bhi hai ke zakhm kaafi milte hain zamane mein,
May (sharaab) kam aur khoon zyada hota hai paimaane mein..
Maut nahi aati in zakhmon ke wajah se kisiko,
Waqt har zakhm ko seena sikha deta hai..
-Muzz...
Posted by
Muzzammil Shah
|
Posted in
|
Posted on
9:26 AM
Bohoth khush tha jab teri mehfil me tha..
Ab toh sirf tanhayi hi tanhayi hai...
Barson se tha jiske peeche mai deewana..
Woh aur kuch nahi sirf teri parchayi hai...
Na vaade sachhe nikle na kasmein..
Tootke bikhar gaye saare sapne...
Ehsaas ab hua ke hamari mohobbat hamesha se nakaam thi..
Ab toh zindagi me rehgayi sirf ruswaayi hai...
Ek arse se khudko dhoka dete rahe..
Teri ulfat me jeete rahe na marte rahe...
Zindagi toh kya, maut bhi hame gale lagaane se inkaar karti hai ab..
Tujhse mohobbat karne ki humne ye sangeen saza paayi hai...
-Muzz...
